|
Haqqımızda
“Folkmordet 92” - “Soyqırım 92” səhifəsi, 26 fevral 1992-ci ildə xalqımıza qarşı törədilən erməni vəhşiliyini isveçdilli insan, qurum və quruluşlara çatdırmaq məqsədi ilə yaradılmışdır.
Səhifə, Cənubi Azərbaycan əsilli Abdulla Əmir Haşimi (Cavanşir)-in tapşırığı ilə hazırlanmışdır.
Təklif və fikirlərinizi amirhashimi@folkmordet92.se e-ünvanı vasitəsilə bizimlə paylaşa bilərsiniz.
مین بیر دردیم هاوالانیب سینه مده
|
بیرده بو دهشتی گؤرمه سین گؤرن
كؤنلومه غم چؤكدو ، گؤزلریمه چن
اؤنو آراز كسدی ، آرخانی دوشمن
نه لر اولدو دیلیم اولسون لال آشیق
بوگون منه بیر كرمی چال آشیق
******
سؤیله خان چوپانا ساخلا ال بیر آز
داها بوندان سونرا آز سارادان یاز
مینلرله سارامی آپاردی آراز
هاممیسی گول یاناق ، اینجه بئل آشیق
بوگون منه بیر كرمی چال آشیق
******
آمان آشیق آستا دانیش بیلن وار
جبراییلدان،زنگیلاندان گلن وار
بوردا اوغلو، بوردا قیزی اؤلن وار
غم پرده سین، غم اوستونه سال آشیق
بوگون منه بیر كرمی چال آشیق
******
یانان كؤرپه لرین آهی، ناله سی
قاچان آنالارین بالا وای سسی
موردار دیغالارین اودلو گولّه سی
صحنه یه وئرمیشدی باشقا حال آشیق
بوگون منه بیر كرمی چال آشیق
******
سؤیله شمشیر اویان اولدو گؤر نلر
گؤر نه گونه قالدی یوردون كلبجر
روحون مندن اینجیمه سین علسگر
گلنمه دیم اوزاق دوشدو یول آشیق
بوگون منه بیر كرمی چال آشیق
******
اینانمیرام ساغلیغیما چارام وار
شوشام كیمی داغیلمامیش هارام وار
گؤیجه آدلی بیر ساغالماز یارام وار
تزه له نیر دولاندیقجا ایل آشیق
بوگون منه بیر كرمی چال آشیق
ستار گلمحمدی |
بوگون منه بیر كرمی چال آشیق
... قان آغلاسین اورگیمده ، دیده مده
سنده باخیب هر دردیمی بیل آشیق
بوگون منه بیر كرمی چال آشیق
******
چال یاییلسین بو غم، غصه هر دیله
تك بیر اورك دؤزمز بئله نیسگیله
درد بؤیوك دیر بم چیخارتماز ، چك زیله
قیریلماسین سازینداكی تئل آشیق
بوگون منه بیر كرمی چال آشیق
******
من كی سنده آرامیرام یاراشیق
بیلدییینی اسیرگمه چال آشیق
كؤنلوم كیمی دونیام گلیب قاریشیق
وارلیغیما اسیر یامان یئل آشیق
بوگون منه بیر كرمی چال آشیق
******
بو گون یامان ایتیرمیشم اؤزومو
تاپانمیرام آغزیمداكی سؤزومو
اللریمده گیزلتمیشم اوزومو
سان كی باتیر گؤزلریمه میل آشیق
بوگون منه بیر كرمی چال آشیق
******
گؤزوم باخا باخا قلبیم اولدو قان
اسیر اولدو ائرمنییه موسلمان
تالاندی جبراییل ، یاندی زنگیلان
دونیانین آغزیندا سوسدو دیل آشیق
بوگون منه بیر كرمی چال آشیق
******
توپ،تانکیلا هر طرفی اویدولار
ائل اوبانی یامان گونه قویدولار
وارین یوخون الدن اله سویدولار
كیمسه ده قالمادی دؤولت ، مال آشیق
بوگون منه بیر كرمی چال آشیق
******
اورییمی یامان آلیب سكسكه
وارلیغیما گؤلگه سالیب تهلی كه
خبر گؤندر كوراوغلویا ، بابكه
یامان یئرده تورا دوشوب ائل آشیق
بوگون منه بیر كرمی چال آشیق
****** |
|
|
_________________
_________________
_________________
_________________
_________________
_________________
|
